مـــــــــــلـــــــــعـــــوبـــــه

من طرف **سـانتا كروز** الأحد مارس 23, 2008 7:10 am

شباب كيفكم شو اخباركم بدي ارويلكم قصة صارت اليوم هي القصة حقيقية مية المية واذا مو مصدقين بعطيكم ارقام تلفونات الناس الي بيشهدوا على هلقصة المهم بلا طول سيرة اليوم في ابن جيرانا ساكن فوقنا تمام هو مو فوقنا فوقنا بس بلطابق الي فوقنا بس على جهة تانية يعني هنن بلكونهن على الشارع ونحن بلكونا كمان على الشارع ههه المهم بلا طول سيرة هاد ابن جيرانا اسمه حسن اليوم لما فقت الصبح واجيت بدي جهز حالي لروح على الجامعة وله بسمعلكم صوت عياط وصوات من بيت جيرانا امت طلعت بسرعة لعندهم وشفتلكم منظر مرعب شفت ابوه لجارنا حسن قاتل مرته ومنتحر بعدها بجرعة مخدرات زائدة المهم اتصلنا بلشرطة وبعد شي يومين وصلت الشرطة وعملت تحقيق بعد شي ساعتين تلاتة بلاقي حسن ورقة سايبها ابوه هون بتبدا قصتنا فتحنا الورقة ويا ريتنا ما فتحناها طلعت رسالة من ابوه كاتبله فيه انه رح يسبله بهلدنا ساعته تعيت 75 ليرة وخالصة بطاريتها وسايبله كمان خريطة كنز لك اه كنز شبكن انصدمتوا وكان مكتوب بلوصية كمان يا ابني يا حسن بس موت انا بتاخد هلخريطة وبتشتري شاكوش ورفش وبتاخد ابن جيرانا مجد وبتتيسر لعند الكنز وكان مكتوب كمان اوعاك يا ابني يا حسن تروح من دون الشاكوش والرفش ضروري كتير تشتريهم وبعدين تروح اتدور على الكنز المهم بلا طول سيرة قلي حسن لازم نشتري الشاكوش والرفش قلتله اه والله لازم ضرب ايده على جيبته ما لاقه الا مية ليرة قلي هات شو معك مصاري والله شلت وعطيته ميتين ليرة صاروا تلاتمية ليرة انزلنا جبنا فيهم احلى فروج وبيبسي وقعدنا اتغدينا وروقنا مشان نعرف كيف بدنا نجيب المصاري حق الاغراض المهم بلا طول سيرة استعرنا لالشاكوش من عند جارتنا جلنار بس جوزها سلسبيلة الله لا يوفقه رد اخده منا بعدين استعرنا شاكوش جارتنا شاكرية وبقي علينا الرفش قلتله لحسن لا تخاف الرفش علي انا بدبره والله ونزلنا سرقنالنا رفش من معمرجي كان نايم جنب الجبلة تعيته المهم صارت العدة معنا وتوكلنا على الله ومشنا حسب الخريطة ضلينا نمشي ونمشي ونمشي لحتى وصلنا على جزيرة مهجورة كليا ما فيها ولا انسان المهم وبلا طول سيرة عليكم شفنا نمرين واقفين هونيك وعم بيدخنوا قلنالهم كيفكم شباب قلولنا هلا هلا كيفكم انتوا قلنالهم منيح ممكن نسالكم سوال قلولنا ولو اسالو قلنالهم جبل الشبح البنفتحي وين صار قلولنا والله بتطلعوا بهديك الطلعة بعدين بتنزلوا بلنزلة وبعدين بتاخدوا تكسي وبتقلوله خدنا لجبل الشبح قلنالهم اوكي واسفين على الازعاج قلولنا ولو بس مرة تانيه لا تعيدوها احسن ما نعضكم قلنالهم انشاء الله بلافراح بس بينوا انتوا كمان قلولنا انشاء الله خلينا نشوفكم قلنالهم انشاء الله بلافرا0000000 المهم بلا طول سيرة اخدنا تكسي انا وخيكم حسن وشدينا لوين؟؟ لجبل الشبح البنفتحي ونحن راكبين بلتكسي واذ به بيطلعلنا ارنب ضخم طوله حوالي 20 متر لا والله مشان ما يصير كذب طوله مية متر المهم قلنا ترجل من السيارة ترجلنا قال هاتوا شهادات السواقة عطيناه قال هاتوا جزرة قلناله ما معنا قام عصب واجا بده يضربنا امت انا شلفته بسرعة بحجر اجا على نص سنيناته وكسرلوا سنتينه الاماميتين قام قلنا سو هلمزح هاد عزبكم هيك يا بليدين هيك كثرتولي ثنيناتي قلناله بسيطة بتركب بدلة المهم بلا طول سيرة واصلنا المغامرة انا وخيكم حسن ومشنا بهلتكسي وجبال تشيلنا وجبال تحطنا حتى وصلنا على جبل الشبح البنفتحي المهم قلناله لتبع التكسي ما معنا نحاسبك هلا بس لنطلع الكنز بنعطيك الزلمة طلع كتير ريلاكس واكابر وزوق وانتظرنا تحت بلوادي المهم ادخلنا انا وخيكم حسن للمغارة ومعنا الشاكوش والرفش ونحن ادخلنالنا مترين تلاتة واذ به بيطلعلنا مارد كبير وبيسالنا شو كلمة السر هون قلبنا وقف انا وحسن لاني ما بنعرف شو كلمة السر المهم بلا طول سيرة انا كنت عامل حساب هلشغلة وكنت جايب معي سيدي برامج بيفتح كل كلمات السر المهم عملناله فرمته للمارد واخترقنا جهازه وعملناله اعادة تشغيل المهم نجحت عمليتنا ودخلنا للمغارة وصرنا ندور على الحجر الي مرسوم بلخريطة والي تحته الكنز المهم بعد ما رحنا وجينا وجينا ورحنا وعملنالنا شي خمسميت بريك لاقينا الحجر واول ما شفته اخدت الشاكوش واجيت بدي احفر ومسك جارنا حسن الرفش ليساعدني ولسه اول ضربة بضربها للحجر وبيصرلك انهيار عظيم بكل الجبل وبتبدا توقع الحجارة فوق راسنا انا هون اتشاهدت بسرعة واستغفرت ربي وبعتت مسج لرفيقتي قلتلها سي يو ات ذا هيل وطفيت موبايلي لا قبل ما طفيه بعتت كلشي مع وحدات على موبايل ابي صدقوني كيف عليهم امهم طفيت بعدها الموبايل وودعته لرفيقي حسن قلته كمان سي يو ات ذا هيل ولسه ما كفيت كلامي وبيوقع علينا حجر كبيررررررر وهو بده يجي على راسي وفجاءة بتنمد ايد وبتسحبني فتحت عيوني بسرعة لشوف مين انقذني ولا لاقيت امي عم بتقلي لك اوم بقى حاجتك نوم اتاخرت على محاضراتك هع هع هع هع هع تعيشوا وتاكلوا غيرها

من طرف **Matrix** الأحد مارس 23, 2008 7:35 am

مشكووووور على القصة

بس أنا ما مصدقك هات أرقام التلفونات

هذا اذا منت صادق

هههههههههههههههههههههه

من طرف **سـانتا كروز** الأحد مارس 23, 2008 7:41 am

ولسه ما كفيت كلامي وبيوقع علينا حجر كبيررررررر وهو بده يجي على راسي وفجاءة بتنمد ايد وبتسحبني فتحت عيوني بسرعة لشوف مين انقذني ولا لاقيت امي عم بتقلي لك اوم بقى حاجتك نوم اتاخرت على محاضراتك هع هع هع هع هع تعيشوا وتاكلوا غيرها

ههههههههه شو لسى بدك ارقام التلفونات

من طرف **Matrix** الأحد مارس 23, 2008 9:04 am

يا ابن الحلو

ولي على قطاطق شو ملعوبة

ضحكت علي

شو عليه الأيام جايه

مـــــــــــلـــــــــعـــــوبـــــه

مـــــــــــلـــــــــعـــــوبـــــه

رد: مـــــــــــلـــــــــعـــــوبـــــه

رد: مـــــــــــلـــــــــعـــــوبـــــه

رد: مـــــــــــلـــــــــعـــــوبـــــه