سوريا الادقية

من طرف **سـانتا كروز** الأحد مارس 23, 2008 7:12 am

للغة اللادآانية من أحلى اللغات اللي ممكن يسمعا الواحد، ومشان تفهمو كيف طريقة اللفظ رح أشرح القواعد بطريقة مبسّطة كتير، بعدين رح نبلّش بالكلمات المنتقاة من معجم أبو صطيف خبّيني الشهير ورح شكّل كل كلمة مشان تنعرف كيف عم تنلفظ .
قواعد اللغة اللادقانية:
(1) في اللهجة اللاذقانية يحذف دائما اخر حرف في الجملة او الكلمة اذا كانت مفردة
(2) في اللهجة اللاذقانية تمد الكلمة دائما ثلاث حركات مد لازم
(3) في اللهجة الللاذقانية تشدد دائما الكلمات في اوسطها
(4) في اللهجة اللاذقانية الافعال الضعيفة تضاف اليها كما ( نهنه ) في مؤخرتها مثل (اخدوهنه) (اتلوهنه) (دبحوهنه) (ابوهنه) مع كسر الهاء.
(5) كافّة الكلمات التي تحوي حرف الألف تقلب إلى واو عريضة

الكلمات : أهم كلمة في اللهجة اللاذقانيةهي كلمة عيّن ، حتى انو اللادقاني بينعرف من هالكلمة، لدرجة انو مرة كان شب بإيطاليا طالع بعثة مع الجامعة، فكان بدّو يسأل واحد عربي عن شغلة، فقللو: عيّن!! فسألو الزلمة: إنت من اللادقية ما هيك؟
عيِّن = انظر
زتـّا = ارميها اشْلفا = ارميها
ازْركو = احْشكو = حاصرو
خـَيسو = اضربو بالسكين
لمّط = لم = شيل
قـبّوع = كيس و تقال أحياناً للشخص الغبي بغيابو
أبتول = غبي
كريم (تلفظ الكاف متل الجيم المصرية)= كريم اللي يستعمل للدهن متل كريم الوش
تتشيّع = هادا الفعل حالة خاصّة جداّ ، لأنو يستعمل بدل أي فعل، طبعاً وتشتقّ عنو الشايعة والشايع ولكن طبيعة هالفعل بتنقال في حالة الإشمئزاز من شي أو الانزعاج من شيء معيّن مسكليتة = بسكليتة الدراجة
ريحة = بارفان
جاكيّة = جاكيت
باكيّة = باكيت
خفّافة = بوط رياضة
عليا طول = على طول ولكن نادراً ما تسمع هالكلمة
السيبا = السلـّم
العمىىىىى = تقال في حالة الصدمة و غالباً من شي ما كويّس
كتّ = عبّي
إبّا = ارفعها
جلموء = مصلحجي
حمزة = يلي يحشر حالو بكل شي
معلاء = بيتدخل بكل شي
اسْكمْبري = نوع من السمك = حجش
اشْكمو= اخذلوا
يبأبــِش = يلخْبــِص= يلعب بأصابعه
بالورب = بالمايل
عواءبك = شرف العيلة
آآآ ( مد لازم 12 حركة مع فتح الفاه ) = للتعجب و الإستفهام
اعْركا = حكّا
شْـفاتير = شفايف
كلاكيش = غراض
مأنتن = وسخ
صفدعة = ضفدعة
ملنـّص = واصل عل قمة ( توب )
ضبع = طنط
إيّاعااا = إيّا عزّةةة = شَحّاري= شحميطي = للتعجب الكتير
مكن = قوي
عكّيد = أبضاي
عَمْشة = وسخة
سأرأ = علبة معدنية
دَرْبَكو = دَعْتـَرو = اوقعه ارضا
زنزوءة = مرجوحة شئليبة = قلّيبة
مْأنشِح = وسخ
ألشين = جرابات
ألْشِت = زحطت
لـْبيسة = تياب داخلية
أشأ = الطريق الغير معبد = خرج عن الطريق
طـَرْوَشو = صرعو
زْلاعيم = لوزات
خروء = ضعيف
اكْعَرو = اصْغـَرو = اطردو
زَمَأ = مر
بَحَت = مات
طـَشّة = أهبل
إيش ياه = شو ياه
مَكـَـنة )الكاف هون متل حرف الجيم بالمصري) = موتور
مشْنِص = نوع من الموتورات في عام ال 20 مشنص ( مصطلح ) = حظو حلو
دشّـو = تركو
أهتر = أهبل
جيعان = جوعان
هبّور = شرشوح
معتـّر = مسكين = ضريب سكاكين
تليانة = مليانة
صحفة =مكّتة= نفاضة سواكير
بتـّو = بنتو
أخوّي = أخي
زاوة = زاوية
كبّينة = ششمة=تواليت
هردبشت = هبور
يا بو = للمناداة
لألوء = الذي يتنقل من مكان الى آخر و يلي بيلزق عليك
عليّ ما عليّ (مع تسكين الياء) = للحلفان
مَـش = دليل على اللاشيء
إتـّة = انت
فـَهْنه = يوجد
آي = نعم
بردلي = أنا بردان
بربيش = خرطوم أو مربيش
فا = يوجد
إسّا = لسّا
يحمّك = دعوة بالشر و الحمة
فلوكا = مركب الصيد المتوسط الطول
لنش = مركب الصيد الطويل و الكبير
بَبّور = سفينة
رَيسي = معلمي
ما عن طـَيبي = ما عن قصدي
يلعن سلسفيلك = يلعن اجدادك
لزّ = زيح = بعّد
خمخوم = الذي يحشر انفه في كل مكان
شو دحشك = شو دخلك
أتـّورة = نـَتـّوسه = أتـّوسه = شوي صغيرة
فط = نط
خربر = مثقب وهو أداة كهربائية للنجّاريين و الكهربجيّة
حربوْء = ذكي
كـَحَشو = طردو
دَرمِل = احليء = انقلع
فوِّج = انقلع
ليش عم تزاور = ليش عم تتطلع
مسأسئ = مليانة مي أو متشتش
شنتيانة = سيف طويل طري جدا للعلئة = مشكلة
حبْكت = كمْشت = لـَنـْصِت = وصلت للذروة
يو عين = يا عين
بلعِط = لوص = تحرك بسرعة أو احتار لحالك وهي مشتقة من بلعوط و هو ابن الضفدع قرقوعة = مهرهرة
سيبو = تركو
شكودري = شاوي حجش
يطلع صوب برا = يذهب إلى دورة المياه
كل يوم تعا = يا ميت اهلا و سهلا بس لا بآ تعيدا
شكارة = شكيلة ، وهي كلمة سيئة للفتاة الرخيصة جداً
ولا خَي = يا أخي تقال تحبّباً أو إذا كنت آخد وش عالشخص اللي عم تحكي معو
طرْوَشو = طـَوَشو = خـَيَـلو = جنـّنو
صرْضْعو = مشتقة من الصرضعون وهو السلطعون ، الحيوان البحري الذي يمشي على جنب و معناها = جننو
طيك العوفة = يعطيك العافية
لأ ولو (مع التشديد على الهمزة في الـ لأ) = للإندهاش الشديد
بسّة = قطة
مع العلم بأن آخر حرف يتم ابتلاعة مثال = كيفا = كيفك .....بتروح عالبحيي= بتروح عالبحر .... الخ

مريّة = مراية

منقووووول
مع بعض التعديل
اخوكم النسر السوري

من طرف **Matrix** الأحد مارس 23, 2008 9:19 am

ههههههههههههههههههههههههه

هالحكي وهاللهجات هذه من زمان بس في الوقت الحاضر ما في هيك شي الا في القرى

عفكرة في مسلسل كوميدي على قناة أبو ظبي نفس اللهجة

من طرف **سـانتا كروز** الإثنين مارس 24, 2008 6:35 am

صح كلامك صح بس في بعض الناس يتكلمون هذه اللغات بجد وانا سمعت كتير عنهم بجد وهنن موجودين من دون ما اذكر وين

ههههههههههههههههههههههههههههههههههه يسلمووووووووو اخوي سانتا على هذ1 اللهجه الحلوه اللي بتلين باللسان مثل العسل

سوريا الادقية

سوريا الادقية

رد: سوريا الادقية

رد: سوريا الادقية

رد: سوريا الادقية